Bakı. Musa Əhmədov - APA-Economics. 2013-cü illə müqayisədə 2014-cü ildə Naxçıvan Muxtar Respublikasında əhalinin banklara qoyduğu əmanətlərin həcmi 1 mln. 701 min manat artıb.
“APA-Economics”in məlumatına görə, bu barədə “Şərq qapısı” qəzetinə müsahibəsində Mərkəzi Bankın Naxçıvan Muxtar Respublikası İdarəsinin sədri Səbuhi Məmmədov deyib.
Onun sözlərinə görə, muxtar respublikada fəaliyyət göstərən banklarda fiziki şəxslərin əmanətlərinin həcmi 6 mln. 772 min manat, o cümlədən xarici valyuta ilə 1 mln. 740 min manat təşkil edir.
S. Məmmədov əlavə edib ki, banklara qoyulan əmanətlər üçün müddətindən və növündən asılı olaraq, 4%-dən 18%-dək illik faiz ödənilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
