Ağac kəsilməsi artıq ciddi ekoloji problem kimi gündəlikdə durmur. Birincisi, ölkədə qazlaşdırma baş verib. Rayon mərkəzlərinin heç birində odundan istifadə olunmur. İkincisi, mühafizə tədbirləri gücləndirilib və ağır cəza tədbirləri öz effektini verib. Üçüncüsü, mebel sənayesi ilə məşğul olanlar anladılar ki, yerli materialdan istifadə etmək ümidsiz bir şeydir. Onlar öz işlərini xaricdən gətirilən məhsulların üzərində qurublar”. APA-nın xəbərinə görə, bunu ekologiya və təbii sərvətlər naziri Hüseyn Bağırov deyib.
H. Bağırovun sözlərinə görə, hazırda ağac kəsimi daha çox dağ kəndlərində və Aran rayonlarında baş verir: “Dağ kəndlərində yanacağın əldə olunmaması buna gətirib çıxarır. Bilirsiniz, bunu qadağalarla aradan qaldırmaq olmur. Biz çalışırıq ki, bu işi sahmana salaq. Aran rayonlarındakı restoranlar kömür yandırırlar. Bu o qədər də böyük miqyasda deyil. Lakin problem kimi görünür. Onun bazarı var. Bununla mübarizə aparmaq çətindir. Biz çalışırıq ki, bu iki amilin öhdəsindən gələk”.
Nazir qeyd edib ki, 90-cı illərə nisbətən hazırda 4-5 dəfə çox olan nəqliyyat vasitələrinin hesabına ətraf mühitə daha çox çirkləndirici maddələr atılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
