Bakı. Musa Əhmədov - APA-Economics. Beynəlxalq Valyuta Fondu və Dünya Bankı 2015-ci ilin mart ayında Azərbaycanın maliyyə sektorunun II qiymətləndirilməsinə başlayacaq.
“APA-Economics” xəbər verir ki, bunu fondun Azərbaycan üzrə missiyasının rəhbəri Raca Almarzoqi bildirib.
Onun sözlərinə görə, qiymətləndirilmənin aparılmasına hazırlıq üçün BVF missiyası noyabrın 24-də Bakıya səfərə gələcək. Fond iyun ayında maliyyə sektorunun qiymətləndirməni başa çatdırmağı planlaşdırır.
R. Almarzoqi əlavə edib ki, BVF-nin qiymətləndirməsi bütün maliyyə əməliyyatlarını əhatə edəcək.