Bakı. Aqşin Rafiqoğlu - APA-Economics. Azərbaycanın Gədəbəy rayonunda yerləşən yataqlardan hasil edilən qızıl və gümüşün həcmi açıqlanıb.
“APA-Economics”in “Anglo Asian Mining plc” şirkətinin hesabatına istinadən verdiyi məlumata görə, bu ilin I rübü ərzində ölkədə qızıl və gümüş istehsalı xeyli artıb.
Belə ki, bu ilin I rübündə Gədəbəyin yataqlarından şirkət tərəfindən hasil edilən qızılın həcmi 11 222 unsiyadan 17 193 unsiyaya qədər artıb. Bu, ötən ilin analoji dövrü ilə müqayisədə 52% çoxdur.
Məlumata görə, bu ilin ilk rübündə mis istehsalı 182 tona, gümüş istehsalı isə 1 950 unsiyaya qədər artıb. Bu ilin dekabrın 31-nə qədər qızıl istehsalını 70-75 min unsiya arasında dəyişəcək.
Bildirilib ki, bu ilin ilk rübündə 17 206 unsiya qızıl satılıb ki, bunun da hər unsiyasının orta qiyməti 1 214 dollar təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
