Bakı – APA. Böyük Britaniya iyunun 12-dən 28-dək Bakıda keçiriləcək I Avropa Oyunlarına gələcək təmsilçilərinin sayını açıqlayıb. Apasport.az saytının məlumatına görə, Birləşmiş Krallıq Azərbaycan paytaxtına 240 nəfərlik heyətlə gələcək.
Bunlardan 160-ı idmançılardı. Onlar Bakı-2015-də keçiriləcək 20 idman növündən 18-də təmsil olunacaqlar.
Komandanın şef de-missionu Mark Enqlandin sözlərinə görə, Avropa Oyunlarına gələcək idmançılarının sayı 2014-cü ildə Soçidə keçirilən Qış Olimpiya Oyunlarına yollanan komanda ilə müqayisədə 3 dəfə çoxdu.
O, həmçinin bildirib ki, yarışa ciddi hazırlaşırlar və hazırda idman növləri üzrə baş məşqçilər əsas namizədləri seçirlər: “Bu Oyunların gələcəyinə inanıram. Fikrimcə, qarşıdakı illərdə daha da inkişaf edəcək. Bu səbəbdən də Azərbaycana geniş heyətlə yollanmağı planlaşdırırıq. Avropa Oyunlarına gedəcək 160 idmançı 5 min nəfər arasından seçiləcək”.
Qeyd edək ki, ada ölkəsindən öncə Bolqarıstan Bakı-2015-ə 109 idmançı ilə gələcəyini açıqlamışdı. Rumıniya yığması isə nümayəndə heyəti ilə birlikdə 200 nəfər olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
