Bakı. Aqşin Rafiqoğlu – APA-Economics. Bu ilin iyun ayı ərzində Azərbaycan Dövlət Neft Şirkəti (SOCAR) (Müştərək Müəssisələr və Əməliyyat Şirkətləri istisna olmaqla) 9 518 metr qazma işi həyata keçirib.
SOCAR-dan “APA-Economics”ə verilən məlumata görə, bu, ötən ilin eyni ayı ilə müqayisədə 390 metr və ya 3,9% azdır. Görülmüş işlərin hamısı istismara aid olub.
Ümumiyyətlə, bu ilin yanvar-iyun aylarında SOCAR üzrə (Müştərək Müəssisələr və Əməliyyat Şirkətləri istisna olmaqla) 53 436 metr qazma işi görülüb ki, bu da 2014-cü ilin 6 ayı ilə müqayisədə 18 694 metr və ya 25,9% azdır. Bunun da 52 436 metri istismara, 1 000 metri isə kəşfiyyata aid olub.
Qeyd edək ki, ilin əvvəlindən qazmadan alınmış 35 yeni quyu tikinti ilə başa çatdırılaraq mədənçilərə təhvil verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
