Bakı. Etibar Məmmədov - APA. “AMİP parlament seçkilərində iştirak edən siyasi partiyalarla əməkdaşlıq memorandumu imzalayacaq”.
Bunu APA-ya açıqlamasında Azərbaycan Milli İstiqlal Partiyasının (AMİP) sədri Yusif Bağırzadə deyib.
Y. Bağırzadə bildirib ki, partiya bu il keçiriləcək parlament seçkilərində iştirak etmək haqqında qərar verib: “Bu haqda partiyanın Mərkəz Şurasında toplantı keçiriləcək. Seçkilərdə iştirak formasına gəldikdə isə, böyük ehtimalla, tək qatılacağıq. AMİP ötən seçkilərdə olduğu kimi, bu il keçiriləcək parlament seçkilərinə də ciddi şəkildə hazırlaşır”.