Ukrayna Ordusu Liman şəhərinin şimalında Rusiya qoşunlarını sıxışdırıb, irəliləyişin qarşısını alıb.
APA xəbər verir ki, bu barədə Müharibə Araşdırmaları İnstitutunun (ISW) yeni hesabatında bildirilir.
Bu, Rusiya komandanlığının Slovyansk-Kramatorsk aqlomerasiyasının şimaldan və cənub-qərbdən mühasirəyə alınması ilə bağlı planlarını tamamilə pozub. Son aylarda Ukrayna qüvvələri Rusiya Ordusunu Jerebets çayına qədər geri oturtmağa nail olublar.
Liman istiqamətində Ukrayna Müdafiə Qüvvələri əks-hücumlarını davam etdirir. Eyni zamanda, Rusiyanın əsas məqsədi dəyişməz olaraq qalır – Limanı ələ keçirmək və Donbasdakı böyük Ukrayna müdafiə kəməri ərazisində yerləşən Ukrayna mövqelərinin genişmiqyaslı mühasirəyə alınması üçün şərait yaratmaq.
Rusiya qüvvələri Donbasda yavaş-yavaş irəliləməyə davam edir, Ukrayna hərbçiləri isə regionun sonuncu iri müdafiə xətlərinin uğrunda ağır döyüşlərə hazırlaşırlar.
Avropanın aparıcı kəşfiyyat xidmətlərindən birinin nümayəndələrinin qiymətləndirməsinə görə, Rusiya qüvvələri 2027-ci ilin əvvəlində Kramatorsk və Slovyanskin kənarlarına çata bilər. Bu şəhərlər Donbasda Ukraynanın sonuncu böyük müdafiə kəmərinin mərkəzini təşkil edir. Lakin belə bir kampaniya Rusiya ordusuna böyük itkilər bahasına başa gələcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
