Ötən ay manat dollara nisbətən 1,3% ucuzlaşıb

Ötən ay manat dollara nisbətən 1,3% ucuzlaşıb
# 15 iyul 2016 13:20 (UTC +04:00)

Bakı. Yeganə Laçınzadə - APA-Economics. İyun ayında manatın orta məzənnəsi açıqlanıb.

Dövlət Statistika Komitəsindən "APA-Economics"ə verilən məlumata görə, ötən ay milli valyutamızın 1 ABŞ dollarına nisbətdə orta məzənnəsi 1,52 manata, 1 avroya nisbətdə 1,70 manata, 100 Rusiya rubluna nisbətdə 2,32 manata bərabər olub.

Ötən ilin müvafiq dövrü ilə müqayisədə dolların orta məzənnəsi 44,76%, avronun 44,07%, rublun isə 20,8% yüksəlib.

May ayı ilə müqayisədə isə iyunda dolların orta məzənnəsi 1,33%, rublun isə 1,75% möhkəmlənib. Mayla müqayisədə avronun orta məzənnəsi iyunda dəyişməyib.

Manatın ikinci dəfə devalvasiyaya uğradığı 2015-ci ilin dekabr ayında milli valyutamızın dollara nisbətdə orta məzənnəsi 1,23 manata, avroya 1,34 manata, rubla isə 1,76 manata bərabər olub. Beləliklə, həmin ayla müqayisədə dollar manata qarşı 23,58%, avro 26,86%, rubl isə 31,82% bahalaşıb.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR