Bakı-APA. “Əş-Şəbab” terror qruplaşmasının silahlıları ötən gün Somalinin cənubunda iki şəhəri ələ keçirib. APA-nın “TASS”a istinadən verdiyi xəbərə görə, bu barədə qruplaşmanın yaydığı məlumatda bildirilir. Məlumata görə, söhbət Aşağı Şabel əyalətindəki Əl-Səliindi və Kuntuvarey yaşayış məntəqələrindən gedir.
Əyalətin qubernatoru Əli Nur şəhərlərin terrorçuların nəzarətinə keçməsi faktını təsdiqləyib. Onun sözlərinə görə, Əl-Səliindi şəhəri terrorçuların nəzarətinə keçməzdən əvvəl Afrika İttifaqının Somalidəki Missiyası kontingentinin birləşmələri yaşayış məntəqəsini tərk ediblər.
Qruplaşmanın bəyanatında Marka şəhəri yaxınlığında afrikalı sülhməramlılarına törədildiyi və bir neçə hərbçinin öldürüldüyü də qeyd olunur. Lakin rəsmi qurumlar bu xəbəri hələlik təsdiqləmir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
