Bakı – APA. “Krasnodar”ı asan olmayan rəqiblə görüş gözləyir. Azərbaycan çempionatında “Qarabağ” komandası var, hansı ki, “Karsnodar”la oyun üslubları oxşardı. “Qəbələ”yə gəldikdə isə Oleq Kononovun yetirmələri çətinliklə üzləşəcəklər”. Apasport.az saytı xəbər verir ki, bu sözləri təcrübəli rusiyalı məşqçi Yuri Syomin deyib.
Ölkəsinin mətbuatına açıqlama verən Syomin sabiq komandası “Qəbələ”nin Avropa Liqasının qrup mərhələsi çərçivəsində bu gün “Krasnodar”la keçirəcəyi görüşə toxunub.
“Qəbələ” haqda müsbət fikirlər səsləndirən mütəxəssis qeyd edib ki, “Krasnodar” rəqibini qiymətləndirməsə, problemlə üzləşə bilər: “Azərbaycanlıların güclü müdafiə xəttini yarmaq “Krasnodar” üçün heç də asan olmayacaq. Mən bu görüşdə çoxlu qol gözləmirəm. Çox güman ki, bərabər səviyyəli oyun gedəcək. “Krasnodar” rəqibi qiymətləndirməlidi. Onlar üçün əsas olan budu. “Qəbələ” stabil layihədi. Bura həm komandanın oyun tərzi, həm futbolçuları, həm də klub rəhbərliyi aiddi. Klubun sahibləri onu çox ağıllı və uğurlu şəkildə inkişaf etdirirlər”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
