Bakı. Şəhriyar Əlizadə - APA. Şirvan Apellyasiya Məhkəməsində həmkəndlisini öldürməkdə təqsirləndirilən Təbriz Mirzəyevin apellyasiya şikayəti əsasında məhkəmə prosesi başa çatıb.
APA-nın məlumatına görə, prosesdə qərar elan edilib. Qərara görə, şikayət təmin edilməyib.
Qeyd edək ki, Sabirabadın Cəngən kəndində 19 yaşlı Mirzəyev Təbriz Absət oğlu həmkəndlisi Məmmədov Vasif Akif oğlunu bıçaqlayıb. Xəstəxanaya çatdırılan V. Məmmədov əməliyyat zamanı ölüb.
Aparılan araşdırmalar zamanı onlar arasında göyərçin üstündə mübahisə baş verdiyi məlum olub. Belə ki, qətli törədən Təbriz Mirzəyev bir müddət əvvəl Vasif Məmmədovun bacısı oğlunun göyərçinini oğurlayıb. Məsələni aydınlaşdırmaq üçün zəngləşən həmkəndlilərin görüşü mübahisə və qətllə bitib.
Lənkəran Ağır Cinayətlər Məhkəməsinin hökmü ilə T. Mirzəyev 10 il müddətinə azadlıqdan məhrum edilib. Hökmdən narazı qalan təqsirləndirilən şəxs apellyasiya şikayəti verərək cəzasının azaldılmasını istəyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
