Qəbələ. Elvin Yaqubov - APA. Qəbələ rayonunda işsiz vətəndaşların məşğulluğunun təmin edilməsi məqsədilə növbəti əmək yarmarkası keçirilib.
APA-nın yerli bürosunun xəbərinə görə, rayon mədəniyyət mərkəzində keçirilən tədbirdə iştirak edən vətəndaşlara 41 müəssisə və təşkilat tərəfindən 219 boş iş yeri təqdim olunub. Təşkilatlardan 35-i dövlət, 6-sı özəldir. Boş iş yerlərinə görə 114-624 manat məbləğində əmək haqqı təklif edilib. Yarmarkada iştirak edən 485 nəfər işaxtaran vətəndaşdan 100-ü öz istəyinə və ixtisasına uyğun işə göndəriş alıb.
Qeyd edək ki, ötən 9 ay ərzində Qəbələ rayon Məşğulluq Mərkəzi iş axtaran 472 nəfərin müraciətini qeydiyyata alıb və 190 nəfəri işlə təmin edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
