Bakı. Məlahət Nəcəfova - APA. İki illik fasilədən sonra Moldova ərazisindəki Dnestryanı münaqişənin həlli ilə bağlı 5+2 formatında rəsmi danışıqlar keçiriləcək.
APA-nın ATƏT-ə istinadən verdiyi məlumata görə, 2-3 iyun tarixlərində Berlində keçiriləcək danışıqlarda Moldovanın, tanınmamış Dnestryanı ərazinin, Rusiyanın, Ukraynanın, ABŞ-ın, ATƏT-in və Avropa İttifaqının nümayəndələri iştirak edəcək. Danışıqlara Almaniyanın ATƏT-dəki sədrliyinin Dnestryanı münaqişənin həlli ilə bağlı xüsusi nümayəndəsi Cord Meier-Klodt sədrlik edəcək.
Xatırladaq ki, Dnestryanı münaqişənin həlli ilə bağlı sonuncu görüş 2014-cü ilin iyununda keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
