Bakı. Şəhriyar Əlizadə - APA. Cəbrayıl rayon sakinindən silah-sursat götürülüb.
APA-nən DİN-in saytına istinadən verdiyi məlumata görə, Baş Mütəşəkkil Cinayətkarlıqla Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində yanvarın 30-da Cəbrayıl rayon sakini Gündüz Rəsulovdan “Makarov” markalı tapança və 8 ədəd patron götürülüb. Onun Xırdalan şəhərindəki evinə baxış zamanı isə lüləsi və qundağı kəsilmiş “İJ” markalı tüfəng və 19 ədəd patron da aşkar olunub.
Faktla bağlı araşdırma aparılır.