Hadisə

Ana səhifə

Hadisə

11 milyon manat dəyərində narkotik vasitə yandırılıb

15 dekabr 2015 07:53 (UTC +04:00)

Bakı. Ramiz Mikayıloğlu - APA. 236 məhkəmə hökmü ilə barəsində məhvetmə qərarı qəbul edilmiş 544 kq-dan artıq müxtəlif növ narkotik vasitələr və psixotrop maddələr aidiyyəti təşkilatların iştirakı ilə yandırma üsulu ilə məhv edilib.

APA-nın məlumatına görə, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupunun rəhbəri Fəqan Şahverdiyev deyib ki, 273 kq 527,58 qr marixuana, 153 kq 655,976 qr tiryək, 81 kq 350,001 qr heroin, 35 kq 680,29 qr həşiş qətranı, 336,759 qr psixotrop maddələr və 2657 ədəd çətənə bitkiləri yandırılıb.

Müsadirə edilmiş və yandırılmış müxtəlif növ narkotik vasitələrin “qara bazar”da ümumi dəyəri 11 milyon manat təşkil edir.