Gəncə. Azər Məmmədli – APA. Gəncə şəhərində bıçaqlanma hadisəsi olub. APA-nın qərb bürosunun verdiyi məlumata görə, Gəncə şəhər sakini, 1987-ci il təvəllüdlü Anar Paşayev ayaq nahiyəsindən bıçaq xəsarəti ilə Gəncə şəhər Təcili Tibbi Yardım Xəstəxanasına yerləşdirilib. Dərhal əməliyyat edilən A. Paşayevin vəziyyəti orta-ağır qiymətləndirilir. Onun qardaşı tərəfindən bıçaqlandığı bildirilir.
Faktla bağlı Gəncə şəhər Baş Polis İdarəsində araşdırma aparılır.