Bakı. Fərid Mirzəyev – APA. Gənclər və idman naziri Azad Rəhimov sentyabrın 16-da İsmayıllı rayonunda vətəndaşları qəbul edəcək. Gənclər və İdman Nazirliyinin mətbuat xidmətindən APA-ya verilən məlumata görə, qəbulda Şəki, İsmayıllı, Balakən, Oğuz, Qax, Qəbələ, Zaqatala şəhər və rayon sakinləri iştirak edəcəklər.
Qəbul saat 11.00-da Heydər Əliyev Mərkəzində başlanacaq.
Qəbula gəlmək istəyən vətəndaşlar rayon (şəhər) gənclər və idman idarələri ilə əlaqə saxlamalıdırlar.