Bakı. Hafiz Heydərov – APA. Azərbaycan dövlət sərhədini saxta sənədlərlə keçmək istəyən əcnəbilər saxlanılıb.
Dövlət Sərhəd Xidmətinin mətbuat mərkəzindən APA-ya verilən məlumata görə, fevralın 9-da həyata keçirilmiş tədbirlər nəticəsində Heydər Əliyev Beynəlxalq Aeroportunda 332 nömrəli “İstanbul-Bakı” aviareysi ilə ölkəmizə gələn Qana vətəndaşları Mketiab Xoster, Obeng Riogkson, Paky Esmond Ohene və Boateng Frangiz Atta saxta elektron viza təqdim etdikləri üçün saxlanılıblar. Onlar müvafiq araşdırma aparıldıqdan sonra 10 fevral 2016-cı il tarixdə “Bakı-İstanbul” reysi ilə geri qaytarılıblar.