Bakı-APA. “Hər kəsə, bütün namizədlərə təşəkkür edirəm”.
Apasport.az saytının məlumatına görə, bu sözləri FİFA-nın yeni seçilmiş prezidenti Cianni İnfantino deyib.
Bu gün keçirilən seçkilərdə qalib gələn C.İnfantino ilk çıxışında islahatlardan bəhs edib: “FİFA-dakı demokratiyanın nəticəsi olaraq burdayam. Bu, bir idman yarışıdır. Sizlərlə birlikdə işləməyə davam edəcəm. FİFA-nı yenidən, birlikdə inşa edəcəyik. Bundan sonra sadəcə futbol üzərindən danışacağıq. Çətin vaxtlar geridə qaldı. İndi islahatları həyata keçirmək zamanıdır. FİFA-nın yenidən layiq olduğu hörməti qazanması üçün əlimizdən gələni edəcəyik”.
İnfantinonun bəhs etdiyi 5 maddəlik islahatlar aşağıdakılardır:
1. Bundan sonra FİFA rəhbərliyinin maaşları açıqlanacaq.
2. Siyasi və idari mövzular bir-birindən ayrılacaq.
3. Yeni bir FİFA konqresi formalaşdırılacaq.
4. Qadınların futbol dünyasında daha ön plana çıxmasına şərait yaradılacaq.
5. İnsan haqqları mövzusuna həssas yanaşılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
