Bakı İdman Sarayında sərbəst güləş üzrə turnir keçirilib.
APA-nın məlumatına görə, turnirdə 11 komanda, 100-ə yaxın idmançı 8 çəki dərəcəsində güclərini sınayıb.
Fövqəladə Hallar Nazirliyinin İdman-sağlamlıq klubunu təmsil edən Ələsgər Məmmədəliyev 54 kq çəki dərəcəsində rəqiblərini üstələyərək turnirin qalibi olub. İdmançını turnirə məşqçi Saypulla Absayıdov hazırlayıb.
FHN-in İdman-sağlamlıq klubunun rəisi, polkovnik Fizuli Musayev idmançını qəbul edib, ona qiymətli hədiyyələr verərək uğurlar arzulayıb.