Yəmənin cənub-şərqindəki Şəbvə sərhəd-buraxılış məntəqəsində terror aktı törədilib.
APA-nın “Reuters” agentliyinə istinadən verdiyi xəbərə görə, terrorçu-kamikadzenin üzərində olan partlayıcı qurğunu işə salması nəticəsində 11 nəfər ölüb, 3 nəfər yaralanıb.
Hadisə ilə bağlı heç bir qruplaşma məsuliyyəti üzərinə götürməsə də, terror aktının “Əl-Qaidə” tərəfindən törədildiyi güman edilir.
Qeyd edək ki, Şəbvə sərhəd-buraxılış məntəqəsi Birləşmiş Ərəb Əmirlikləri tərəfindən dəstəklənən Yəmən hökumətinin nəzarətindədir. Yəməndə prezident Mansur Hadiyə bağlı qüvvələrlə cənub separatçıları arasında qarşıdurmalar nəticəsində 36 nəfər ölüb, 185 nəfər yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
