Avropa Yenidənqurma və İnkişaf Bankı (European Bank of Reconstruction and Development, EBRD) 2017-ci ildə Azərbaycana ayırdığı kreditin məbləğini açıqlayıb.
“APA-Eonomics” xəbər verir ki, ötən il EBRD dövlət və özəl sektor üzrə 9 layihənin icrasına 456 mln. avro dəyərində kreditin ayrılmasını təsdiq edib.
“2016-cı ildə isə EBRD 9 layihənin icrasına 63 milyon avro kredit ayırıb. Bununla da 2017-ci ildə kreditləşmənin həcmi 7,2 dəfə artıb,” – deyə məlumatda bildirilir.
Ümumilikdə ötən il dekabrın 31-nə bankın Azərbaycanda 50 layihə üzrə portfeli 1 mlrd. 176 mln. avro təşkil edib. Ayrılan vəsaitin 61%-in enerji, 29%-i infrastruktur, 6% maliyyə, 4%-i isə istehsal layihələri üzrə təyin edilib.
Qeyd edək ki, Azərbaycan 1992-ci ildən EBRD-nin üzvüdür. Bu günə qədər bank Azərbaycanda 165 layihənin icrasına 2,817 mlrd. avrodan çox vəsait ayırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
