Birja

Ana səhifə

Birja

“InvestAZ”-dan dünya maliyyə bazarları ilə bağlı həftəlik analiz

16 aprel 2018 07:45 (UTC +04:00)

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Dünya valyuta birjalarında EUR/USD məzənnəsi aprel ayının minimum və maksimum səviyyələri aralığında dalğalanmaqdadır. Gələcək istiqaməti proqnozlaşdırmaq üçün isə yuxarı və ya aşağı sərhədlərin qırılmasını gözləmək lazımdır. Beləliklə, hal-hazırda 1.23$-a ticarət edilən avro/dollar məzənnəsi üçün 1.24$-ın yuxarı istiqamətdə qırılması, qiymətin 1.26$-a kimi bahalaşa bilməsi üçün güclü siqnal rolunu oynayacaqdır. Bu baş vermədikdə, yəni qiymət 1.24$-ın altında qaldıqca, ucuzlaşma 1.22$-a kimi də davam edə bilər.

Bununla yanaşı, çərşənbə axşamı və çərşənbə günləri müvafiq olaraq Bakı vaxtı ilə saat 13:00-da açıqlanacaq Avrozonanın gələcək iqtisadiyyatı ilə bağlı gözlənti indeksi və inflyasiya ilə bağlı önəmli statistik məlumatlar da investorların diqqət mərkəzindədir.

GBP

GBP/USD məzənnəsi 1.43$-a kimi bahalaşdıqdan sonra müqavimətlər rastlaşdığının və ucuzlaşdığının şahidi oluruq. Texniki analizə əsasən, qiymət yenidən 1.43$-ı yuxarı istiqamətdə qıraraq, üzərində möhkəmlənərsə, artım dalğası 1.44$ və 1.47$-a kimi də güclənə bilər. Çərşənbə günü saat 12:30-da yayımlanacaq İngiltərənin inflyasiya ilə bağlı fundamental məlumatların da məzənnəyə güclü təsir edə biləcəyi gözlənilir.

TRY

Türkiyə bazarlarında da dolların ucuzlaşması müşahidə edilir. Belə ki, bazar ertəsi 4.0957TL-ə ticarət edilən USD/TRY valyuta cütlüyünün qiyməti 4.0722TL-ə kimi də ucuzlaşaraq, bu səviyyənin altında qalarsa, 4.0196TL-ə kimi də ucuzlaşa bilər.

OIL

Enerji bazarlarında isə Brent nefti keçən həftə proqnozlaşdırıldığı kimi 73$-a kimi dəyər qazanıb. Bundan sonra qismən korreksiya edən bir barel üzrə qiymət 71-72$ aralığında ticarət edilməkdədir və yenidən 73$-a dəyər qazanaraq, üzərində möhkəmlənərsə, bir barel üzrə qiymətin 75$-a kimi də bahalaşa biləcəyi proqnozlaşdırılır.

GOLD

Əlvan metallar bazarlarında qızılın bir unsiyası üzrə qiyməti 1346$-ın (43.2 $/qram) üzərində dalğalanmaqdadır və 1353$-ı (43.4 $/qram) da yuxarı istiqamətdə qırarsa, 1365$-a (43.8 $/qram) kimi də dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin

Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

_____________________________________________________________________________

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.