Azərbaycanın Sumqayıt və Gürcüstanın Rustavi şəhərləri arasında əməkdaşlıq haqqında memorandum imzalanıb.
APA-nın Gürcüstan bürosunun məlumatına əsasən, sənədi Rustavi şəhər günü ilə bağlı keçirilmiş tədbirlər çərçivəsində Sumqayıt şəhər icra başçısının birinci müavini Faiq Kərimov və Rustavi şəhərinin meri David Cikiya imzalayıb.
D.Cikiya Rustavi və Sumqayıt qardaşlaşmış şəhərləri arasında çoxillik mədəni və iqtisadi əlaqələrin olduğunu deyib. “Gələcəkdə iki şəhər arasında münasibətlərin daha da intensivləşəcəyinə ümid edirəm”, - deyə Rustavi meri vurğulayıb.
Azərbaycanla yanaşı Rustavi şəhər günü tədbirlərində Filippin, Litva, Polşa, Ukraynadan olan nümayəndə heyətləri də iştirak ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
