Göyçayda fərdi yaşayış evinin yanması nəticəsində bir nəfər ölüb. ONA-nın Şirvan bürosunun xəbərinə görə, hadisə bu gecə saat 3:00 radələrində şəhərin Xəqani küçəsindəki 28 saylı mənzildə qeydə alınıb. Şəhər sakini 1934-cü il təvəllüdlü Niftəliyev Bahadur Məhəmməd oğluna məxsus ümumi sahəsi 200 kvadratmetr olan evdə baş verən yanğının söndürülməsi üçün əraziyə 3 yanğınsöndürən maşın və canlı qüvvə cəlb olunub. Hadisə zamanı evin 90 kvadratmetrlik hissəsi yanıb. Ev sahibinin oğlu, 1976-cı il təvəllüdlü Niftəliyev Bəxtiyar Bahadur oğlu yanaraq ölüb, onun həyat yoldaşı 1977-ci il təvəllüdlü Niftəliyeva Rəqiyyə Rəhim qızı yanıq xəsarətləri aldığı üçün Göyçay rayon Mərkəzi Xəstəxanasına aparılıb. Hadisənin hansı səbəbdən baş verdiyi hələ ki, məlum deyil.
Faktla bağlı araşdırma aparılır.
Şahnəzər Bəşirov
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
