ABŞ Nümayəndələr Palatasının Silahlı Qüvvələr üzrə Komitəsinin sədri, respublikaçı Mak Tornberri (Mac Thornberry) Tramp administrasiyasının Ukraynaya letal (öldürücü) müdafiə silahları verəcəyinə ümid etdiyini bildirib.
APA-nın “Ukrinform”a istinadən verdiyi məlumata görə, M. Tornberri Obama hökumətinin Rusiya təcavüzünə müqavimət göstərmək üçün Ukraynanın letal silah tələbini qəbul etməməsindən məyus olduğunu söyləyib: “Mən ümid edirəm ki, yeni administrasiya bunu edəcək”.
M. Tornberri Ukraynanın Konqresin hər iki palatasında ikipartiyalı dəstəyə malik olduğunu vurğulayıb.