Ağstafada bıçaqlanma olub. APA-nın qərb bürosunun verdiyi məlumata görə, rayonun Yuxarı Göyçəli kənd sakini, 1988-ci il təvəllüdlü Anar Kərimov bıçaq xəsarətləri ilə xəstəxanaya yerləşdirilib. Ona tibbi yardım göstərilib. Vəziyyətinin orta-ağır olduğu bildirilir.
Məlumata görə, onu mübahisə zəminində həmkəndlisi bıçaqlayıb. Cinayəti törədənin saxlanıldığı bildirilir.
Faktla bağlı Ağstafa rayon Polis Şöbəsində araşdırma aparılır.