Tovuz Gömrük İdarəsinin Gömrük hüquqpozmalarına qarşı mübarizə şöbəsinə daxil olan məlumat əsasında, "Mercedes-Benz Sprinter" markalı, 90-VZ-649 nömrə nişanlı avtomobil Tovuz rayonu ərazisində saxlanılıb.
Dövlət Gömrük Komitəsinin Mətbuat Xidmətindən “APA-Economics”ə verilən məlumat görə, Azərbaycan vətəndaşı Ramal Əmrahovun idarə etdiyi həmin nəqliyyat vasitəsinin yük yerinə baxış zamanı, orada siqaret olduğu müəyyən edilib. Daha sonra Tovuz Gömrük İdarəsinə gətirilən avtomobilə hal şahidlərinin iştirakı ilə təkrar baxış keçirilib.
Yoxlama zamanı, nəqliyyat vasitəsinin yük yerində olan dörd ədəd sellofan torbada cəmi 52.400 ədəd "Parliament Carat", "Parliament Silver", "Parliament Aqua Blue", "Parliament Super Slims", "Marlboro Gold Edge", "Marlboro Fine Touch", "Marlboro Fiter Plus" və "Sobranie Super Slims" markalı siqaretlər aşkar edilib.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
