“Mersedes” komandasının britaniyalı pilotu Luis Hamilton “Formula-1” Yaponiya Qran-Prisinin qalibi olub.
APA-nın TASS agentliyinə istinadən verdiyi məlumata görə, “Red Bull” komandasının hollandiyalı pilotu Maks Ferstappen ikinci, onun avstraliyalı komanda yoldaşı Daniel Rikkyardo üçüncü yerin sahibi olub.
L. Hamilton “Formula-1” yarışlarında ümumilikdə 306 xal yığaraq liderliyini möhkəmləndirib. İkinci yerdə 247 xalla “Ferrari” komandasının alman pilotu Sebastyan Fettel , üçüncü yerdə 234 xalla “Mercedes” komandasının fin pilotu Valtteri Bottas qərarlaşıb.