MDB

Ana səhifə

MDB

Ərdoğan və Putin Hələbə yardım çatdırılması üçün səyləri artırmaq barədə razılığa gəliblər - YENİLƏNİB

Ərdoğan və Putin Hələbə yardım çatdırılması üçün səyləri artırmaq barədə razılığa gəliblər - <span style="color: red;">YENİLƏNİB

30 noyabr 2016 20:05 (UTC +04:00)

Rusiya və Türkiyə liderləri bu gün telefonla Hələb və ümumilikdə Suriyadakı vəziyyəti müzakirə ediblər.

APA-nın TASS agentliyinə istinadən verdiyi xəbərə görə, Rəcəb Tayyib Ərdoğan və Vladimir Putin Hələbə humanitar yardım çatdırılması üçün səyləri artırmaq barədə razılığa gəliblər.

Həmçinin tərəflər Hələbdə toqquşmaların tezliklə dayandırılması perspektivlərini müzakirə ediblər.

Bundan başqa, iki ölkə lideri dekabrın 1-də keçiriləcək strateji planlaşdırma üzrə Rusiya-Türkiyə birgə qrupunun görüşü, baş nazir Binali Yıldırımın dekabrın əvvəlində Rusiyaya səfəri barədə fikir mübadiləsi aparıblar.

Qeyd edək ki, bu, son günlər ərzində Ərdoğan və Putin arasında baş tutan üçüncü telefon danışığıdır.

***

21:58

Rusiya prezidenti Vladimir Putinlə və Türkiyə prezidenti Rəcəb Tayyib Ərdoğan arasında telefon danışığı olub.

APA-nın RİA Novosti agentliiynə istinadən verdiyi xəbərə görə, tərəflər Rusiya-Türkiyə münasibətlərini müzakirə ediblər.

Söhbət zamanı yaxın gələcəkdə müxtəlif səviyyələrdə baş tutacaq ikitərəfli görüşlər, Türkiyənin Suriya münaqişə ilə bağlı mövqeyi müzakirə olunub.

Qeyd edək ki, Ərdoğan çıxışında bildirib ki, “Fərat qalxanı” əməliyyatının məqsədi Əsəd rejimini devirməkdir. Buna münasibət bildirən Rusiya prezidentinin mətbuat katibi Dmitriy Peskov Ərdoğanın bəyanatının çox ciddi olduğunu və onun ötən bəyanatları ilə ziddiyyət təşkil etdiyini söyləyib.