Bakı. Fuad Cəfərov – APA. Bakıda oğurluq hadisəsi baş verib.
APA-nın məlumatına görə, hadisə paytaxtın Nəsimi rayonu, Seyidzadə küçəsi ev 4a, mənzil 8-də qeydə alınıb.
Bakı şəhər sakini, 1968-ci il təvəllüdlü Məhəbbət Əmiraslan qızı Səfiyevanın mənzilindən qapının kilidini sındırmaq yolu ilə 10 min 600 manat, planşet, mobil telefon və qızıl-zinət əşyaları oğurlanıb.
Hazırda polis oğurluq hadisəsini törədən şəxsin və ya şəxslərin müəyyən edilərək tutulması istiqamətində iş aparır.