Bu ilin iyun ayında Gürcüstanda ÜDM-in artım tempi 4% təşkil edib.
APA-nın yerli bürosu Gürcüstanın Milli Statistika İdarəsinə istinadla xəbər verir ki, bu ilin ikinci rübündə ÜDM-in orta real artım tempi 6%, birinci yarısında isə 5,7% olub.
Qonşu ölkədə ötən ay nəqliyyat, mehmanxana və restoran, maliyyə və ticarət sahələrində əhəmiyyətli artım qeydə alınıb.
Yanvar-iyun aylarında xarici ticarət dövriyyəsinin həcmi 24,3% artaraq 5 mlrd. 985,9 min dollar təşkil edib.
İyun ayında Gürcüstanda 3 971 müəssisə qeydiyyatdan keçib ki, bu da illik müqayisədə 11,2% azdır.
Dövlət büdcəsinin gəlirləri 810,1 mln. lari, xərcləri isə 816,6 mln. lari təşkil edib.
Qeyd edək ki, bu il Gürcüstanda ən yüksək iqtisadi artım 7,5% olmaqla may ayında qeydə alınıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
