"Azərbaycanın bəzi ərazilərində ailə tipli, icma əsaslı məktəbəqədər təhsil müəssisələrinin yaradılmasına ehtiyac var".
Bunu APA-ya Təhsil Nazirliyinin məktəbəqədər və ümumi təhsil şöbəsinin müdiri Aydın Əhmədov deyib. O bildirib ki, ailə tipli, icma əsaslı məktəbəqədər müəssisələrin yaradılması ilə bağlı məsələ yeni qəbul edilən “Məktəbəqədər təhsil haqqında” qanunda da öz əksini tapıb.
A. Əhmədov qeyd edib ki, yeni qanuna əsasən ailə tipli, icma əsaslı, qısamüddətli təlim qruplarında məktəbəqədər təhsilin təşkili qaydasının necə olması məsələləri müəyyənləşməlidir. Nazirlik rəsmisi vurğulayıb ki, məktəbəqədər təhsilin yeni formalarının təşkili və icra mexanizmi hazırlanmalıdır: “Hazırda qanunun icrası ilə bağlı işlər aparılır. Elə yerlər var ki, orada icma əsaslı, ailə tipli məktəbəqədər təhsil müəssisələrinin yaradılmasına ehtiyac var. Amma bunun təşviqi formaları hazırlanmalıdır. Gərək, rayonlar üzrə təhlillər aparılsın. Bu işləin Təhsil Nazirliyi tərəfindən həyata keçirilməsi nəzərdə tutulub”.
Qeyd edək ki, "Məktəbəqədər təhsil haqqında" qanuna əsasən məktəbəqədər təhsil müəssisəsi fəaliyyət göstərməyən ərazilərdə valideynlərin istəyi ilə ailə tipli və ya icma əsaslı, yaxud qısamüddətli təlim qrupları yaradıla bilər. Ailə tipli, icma əsaslı, qısamüddətli təlim qruplarında məktəbəqədər təhsilin təşkili qaydası müvafiq icra hakimiyyəti orqanı tərəfindən müəyyən edilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
