“Braziliyanın dünyada suverenliyin pozulması ilə bağlı mövqeyi uzunmüddətli siyasətə əsaslanır”.
APA-nın məlumatına görə, bunu Braziliya xarici əlaqələr naziri Aloyzio Nunyes Ferreira Bakıda Azərbaycan xarici işlər naziri Elmar Məmmədyarovla görüşdən sonra keçirilən mətbuat konfransında deyib.
O qeyd edib ki, ölkəsinin mövqeyi sülh, təhlükəsizlik, dialoq, beynəlxalq hüquqa hörmət və ərazi toxunulmazlığına əsaslanır. “Braziliyanın uzunmüddətli yanaşması var və qonşularına da bunu tətbiq edir. BMT-də islahatlar vacib məsələdir. Bu təşkilat dünyanı daha yaxşı təqdim edən qurum olmalıdır. BMT Təhlükəsizlik Şurasının daha demokratik və effektiv fəaliyyəti üçün islahatlar həyata keçirilməlidir”, - deyə o vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
