Bakı. Nicat Mustafayev – APA-Economics. Azərbaycan Rabitə və İnformasiya Texnologiyaları Nazirliyinin «Aztelekom» İstehsalat Birliyinin xidmət ərazisində genişzolaqlı internet xidmətləri istifadəçilərinin sayı 2012-ci ilin əvvəli ilə müqayisədə 63 min istifadəçi və ya 2,2 dəfə artaraq 114 mini keçib.
«APA-Economics»in Nazirliyə istinadən verdiyi məlumata görə, son bir ildə regionlarda genişzolaqlı internet xidmətlərinə çıxış imkanı bir qədər də artıb. Hazırda genişzolaqlı xidmətlərin ümumi gəlirlərdə payı 21,9% təşkil edir, ötən ilin əvvəlində isə bu göstərici 10,9% olub.
Qeyd edək ki, «Aztelekom» tərəfindən 7 internet-provayderlə bağlanan birgə əməkdaşlıq müqaviləsinə uyğun olaraq onlar tərəfindən 17 rayonda ümumilikdə 570 km optik kabel çəkilişi həyata keçirilib. Ümumilikdə bu layihə çərçivəsində 33 TKQ-nin xidmət ərazisində 2 100 km-dən artıq fiber-optik kabel xətlərinin çəkilişi başa çatdırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
