Bakı-APA. Şimali Koreya Koreya yarımadasının şərq sahillərindən Yapon dənizinə yaxın mənzilli 2 raket buraxıb. APA-nın “Frans Press” agentliyinə istinadən verdiyi xəbərə görə, bu barədə Şimali Koreya Müdafiə Nazirliyinin bəyanatında bildirilib.
“Raketlər yerli vaxtla saat 5.00-da ölkənin şərq sahillərindən buraxılıb”, deyə Şimali Koreya Müdafiə Nazirliyinin mətbuat katibi bildirib.
Xatırladaq ki, iyunun 26-da Şimali Koreya Yapon dənizinə yaxın mənzilli 3 raket buraxıb. Məlumata görə, ölkə lideri Kim Çen In raketlərin sınaqdan keçirilməsini izləyib.