Bakı. Şamil Əlibəyli - APA. ATƏT-ə üzv olan 18 ölkə Ukraynaya 35 nəfərdən ibarət silahsız hərbi heyət göndərəcək.
ATƏT-dən APA-ya verilən məlumata görə, hərbi heyət Ukraynanın müvafiq müraciətinə əsasən göndəriləcək.
Hərbi heyətin səfəri 2011-ci ilin Vyana Sənədinin 3-cü fəsli əsasında baş tutacaq. Bu sənəd ölkənin müraciəti əsasında, bu ölkəyə səfər edilməsini və qeyri-adi hərbi aktivliyi ilə bağlı məlumatlara aydınlıq gətirməsini imkan verir. Bu mexanizmdən ilk dəfə istifadə olunacaq.
ATƏT-in baş katibi Lamberto Zanyer səfərin Ukraynada gərginliyin aradan qaldırılmasına imkan verəcəyinə ümidvar olduğunu deyib: “Yerdə olan faktlarla bağlı obyektiv qiymətləndirilmə ATƏT-ə dialoq vasitəsilə hazırkı böhranın siyasi həllini tapmaqda daha da kömək edəcək. Etimadın yaradılması və şəffaflıq ATƏT-in təhlükəsizlik məsələləri ilə bağlı yanaşmada əsas elementləridir”.
Qeyd edək ki, Vyana Sənədi-2011 etimad qurulması ilə bağlı ATƏT tərəfindən yaradılan əsas sənədidir. Bu sənədə əsasən, üzv ölkələr öz silahlı qüvvələri, avadanlığı və müdafiə planları ilə bağlı məlumatları bir-biri ilə mübadilə etməlidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
