Gəncə. Azər Məmmədli – APA. Gəncədə 2 nəfərin xəsarət alması ilə nəticələnən yol nəqliyyat qəzası baş verib. APA-nın qərb bürosunun verdiyi məlumata görə, hadisə Gəncənin qala qapılarının yanında qeydə alınıb. Goranboy rayon sakini 1993-cü il təvəllüdlü Röyal Quliyev idarə etdiyi “VAZ 2106” ilə hərəkətdə olarkən idarəetməni itirib və maşın yolun kənarında olan dərəyə düşüb. Qəza zamanı sürücü və sərnişin, 1989-cu il təvəllüdlü Gəncə şəhər sakini Sevinc Məmmədova müxtəlif bədən xəsarətləri alaraq Gəncə şəhər Təcili Tibbi Yardım xəstəxanasına yerləşdirilib.
Faktla bağlı hüquq-mühafizə orqanları tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
