Maliyyə

Ana səhifə

Maliyyə

Azərbaycanın 13 bankı filiallarının sayını artırıb

30 sentyabr 2014 13:12 (UTC +04:00)

Bakı. Pərviz Nuriyev - APA-Economics. Bu ilin I rübü ilə müqayisədə II rübdə Azərbaycanda fəaliyyət göstərən 44 bankdan (“Kövsər Bank” fəaliyyətini yeni bərpa edib) 13-ü filiallarının sayını artırıb, 26 bankda filialların sayı olduğu kimi qalıb, 1 bank filiallarının sayını azaldıb və 3 bank bununla bağlı açıqlama verməyib.

“APA-Economics” 40 bankın təqdim etdiyi məlumatlara əsasən, hesabat dövrü üzrə bank filiallarının sayına görə müvafiq renkinq tərtib edib.

Bu ilin ilk üç ayı ilə müqayisədə növbəti üç ayda yalnız “Bank Technique”da azalma qeydə alınıb. Belə ki, adıçəkilən bank son üç ay ərzində 3 filialını bağlayaraq filiallarının sayını 29-a endirib. Bankdan azalmanı optimallaşdırma siyasəti ilə əlaqələndiriblər.

Son üç ayda 13 bankda filialların sayında artım baş verib. Hesabat dövrünə qədər ən çox filial açan “Kapital bank” birinci yerdə qərarlaşıb. Qeyd olunan bank aprel-iyun ayları ərzində 7 filial açıb. İkinci yerdə olan “Muganbank”ın isə hesabat dövründə 5 filialı müştərilərə xidmət göstərməyə başlayıb. II rübdə 4 filial açan “Amrahbank” siyahıda 3-cü yerdədir. (Ətraflı bax Cədvəl 1)

Cədvəl 1

Banklar		II rüb ərzində açılan filialların sayı	II rübə filialların sayı
1	Kapital Bank	7	100
2	MuğanBank	5	38
3	Amrahbank	4	23
4	Unibank	2	38
5	RabitəBank	2	24
6	Gəncəbank	2	5
7	Dəmirbank	1	33
8	Xalq Bank	1	25
9	Bank Nikoil	1	19
10	TuranBank	1	13
11	DekaBank	1	7
12	Bank VTB (Azərbaycan)	1	6
13	Bank Silk Vey	1	6

2014-cü ilin ilk iki rübü arasındakı göstəricilərə nəzər saldıqda məlum olur ki, 26 bankda filialların sayı dəyişməyib. (Ətraflı bax cədvəl 2)

Cədvəl 2

Artım olmayan bankların siyahısı		Filialların sayı
1	AccessBank	42
2	Zaminbank	38
3	Azərbaycan Beynəlxalq Bankı	35
4	Bank Respublika	32
5	AtaBank	25
6	Bank of Baku	24
7	AGBank	18
8	Kredobank	16
9	Exspressbank	16
10	Parabank	16
11	AFB Bank	14
12	Bank Standard	13
13	Atrabank	13
14	YapıKredi Bank Azərbaycan	13
15	Bank BTB	10
16	Yunayted Kredit Bank	6
17	Azər-Türk Bank	4
18	Qafqaz İnkişaf Bankı	3
19	Naxçıvanbank	1
20	Bank Avrasiya	1
21	Günay Bank	1
22	Pakistan Milli Bankı Bakı Filialı	0
23	Bank Melli İran	0
24	PAŞA Bank	0
25	Evrobank	0
26	Azərbaycan Kredit Bankı	0