Bakı. Vahab Rzayev – APA-Economics. Azərbaycanın «Atabank» ASC-nin 2012-ci ildə əldə etdiyi gəlirlərin həcmi 33,165 mln. manat təşkil edib ki, bu da 2011-ci ilin analoji göstəricisindən 45,0% çoxdur. Bankdan «APA-Economics»ə verilən məlumata görə, hesabat ilində bankın xərcləri 45,5% artaraq 28,774 mln. manata çatıb.
Bankdan bildirilib ki, ötən ilin yekununda bank 4,391 mln. manat həcmində mənfəət əldə edib və bu, 2011-ci ilin göstəricisindən 41,1% çoxdur.
Qeyd edək ki, hesabat dövründə «Atabank»ın faiz gəlirləri 26,095 mln. manat, qeyri-faiz gəlirləri 7,070 mln. manat, faiz xərcləri 12,380 mln. manat, qeyri-faiz xərcləri isə 1,606 mln. manata bərabər olub. Ötən il bankın faiz mənfəəti 53,9% artıb. Həmçinin, 2012-ci ildə qeyri-faiz əməliyyatları üzrə 5,5 mln. manatlıq mənfəət yaranıb, halbuki 2011-ci ildə 5,8 mln. manatlıq zərər müşahidə olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
