Futbol

Ana səhifə

Futbol

Renato: “Portuqaliya nəinki Azərbaycanla oyunda, qrupda favoritidir”

04 sentyabr 2012 15:17 (UTC +04:00)

Bakı – APA. “Vaxtilə şərəfini qoruduğum “Xəzər Lənkəran” haqda xoş xatirələrim var. Azərbaycan, Bakı üçün çox darıxmışam”. Bunu apasport.az saytına açıqlamasında “Xəzər Lənkəran”ın sabiq futbolçusu Renato Keyruş deyib.

Sentyabrın 11-də dünya çempionatının seçmə qrup mərhələsi çərçivəsində millimiz Braqa şəhərində Portuqaliya yığmasının qonağı olacaq. Həmin matçı izləyəcəyini bildirən Renato deyib ki, indi fikrini bu qarşılaşmaya yönəldib.

Buna səbəb isə portuqaliyalının legionerin 4 il öncə ölkəmizdə çıxış etməsidir.

Renato bildirib ki, bu səbəbdən pireneyli jurnalistlər onu qarşılaşmanın keçiriləcəyi gün RTP1 kanalına qonaq çağırıblar. Matçın yayımlandığı kanalda çıxış edəcək futbolçu Azərbaycan futbolu, çempionatımız haqda danışacaq, oyunla bağlı fikirlərini bölüşəcək.

“Sözsüz ki, Portuqaliya nəinki Azərbaycanla oyunda, qrupda favoritidir. Qələbə qazanacağımızı düşünürəm. Bütün hallarda, 90 dəqiqənin tamamında komandaların gücü hesabda əksini tapacaq” – deyə, Renato bildirib.

Qeyd edək ki, 2008-ci ilin yayında “Xəzər Lənkəran”a transfer olunan Renato 2008/09 mövsümündə Premyer Liqada 3 oyuna çıxıb.