Prokurorluq orqanlarına işə qəbulla bağlı test imtahanı sentyabrın 13-də keçiriləcək
03 sentyabr 2012 15:42 (UTC +04:00)
Bakı-APA. Baş Prokurorluq tərəfindən prokurorluq orqanlarına qəbul olunmaq arzusunda olan şəxslər üçün 100 ştat vahidi üzrə elan edilmiş müsabiqə ilə əlaqədar namizədlərin sənədlərinin qəbulu avqustun 31-də başa çatıb. Baş Prokurorluğun mətbuat xidmətindən APA-ya verilən məlumata görə, prokurorluq orqanlarına işə qəbulla bağlı sənədlərini təqdim etmiş 461 namizəd üçün test imtahanı 13 sentyabr saat 10.00-da başlayaraq 3 saat ərzində Azərbaycan Texniki Universitetinin «İdman Sarayı»nda keçiriləcək (ünvan: Bakı şəhəri, Ayna Sultanova küçəsi, 5).
İmtahanın keçirilməsi qaydaları «Yaddaş kitabçası»nda əks etdiriləcək.
İmtahana buraxılmış namizədlər 10-11 sentyabr 2012-ci il tarixlərdə saat 09.15-dən 18.00-dək şəxsiyyət vəsiqəsini və sənədlərin qəbulu barədə qəbzi təqdim etməklə, «Yaddaş kitabçası»nı və «Test imtahanına buraxılış vərəqəsi»ni Baş Prokurorluğun əsas inzibati binasının qəbul otağında (Bakı şəhəri N.Rəfibəyli küçəsi,7) ala bilərlər.
İmtahanın keçirilməsi qaydaları «Yaddaş kitabçası»nda əks etdiriləcək.
İmtahana buraxılmış namizədlər 10-11 sentyabr 2012-ci il tarixlərdə saat 09.15-dən 18.00-dək şəxsiyyət vəsiqəsini və sənədlərin qəbulu barədə qəbzi təqdim etməklə, «Yaddaş kitabçası»nı və «Test imtahanına buraxılış vərəqəsi»ni Baş Prokurorluğun əsas inzibati binasının qəbul otağında (Bakı şəhəri N.Rəfibəyli küçəsi,7) ala bilərlər.