Dağlıq Qarabağ

Ana səhifə

Dağlıq Qarabağ

Moskvada Ermənistan ziyalıları ilə görüşdə iştirak edən Azərbaycan nümayəndə heyətinin tərkibi məlum olub

22 fevral 2012 12:14 (UTC +04:00)

APA-nın Moskva bürosunun məlumatına görə, “Rossiyskaya qazeta”da görüş başa çatdıqdan sonra hər iki ölkənin nümayəndə heyətləri Mərkəz Ədəbiyyat Evinə gediblər. Hazırda görüş burada davam etdirilir.

Görüşdə iştirak edən Azərbaycan nümayəndə heyətinin tərkibi də məlum olub. Ziyalıların görüşündə Azərbaycanı Üzeyir Hacıbəyli adına Bakı Musiqi Akademiyasının (BMA) rektoru, xalq artisti Fərhad Bədəlbəyli, Bakı Slavyan Universitetinin rektoru, professor Kamal Abdulla, Azərbaycan Dövlət Milli Konservatoriyasının rektoru Siyavuş Kərimi, Müslüm Maqomayev adına Dövlət Filarmoniyasının direktoru Murad Adıgözəlzadə təmsil edirlər.

Bundan başqa görüşdə Azərbaycanın Rusiyadakı səfiri Polad Bülbüloğlu, Ermənistanın Rusiyada keçmiş səfiri Armen Smbatyan, Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy da iştirak edirlər.

Qeyd edək ki, görüşün bu gün keçiriləcəyi barədə xəbər Rusiya prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoyun “Rossiyskaya qazeta”da dərc olunmuş məqaləsində yer alıb. Bu, Azərbaycan və Ermənistan ziyalılarının sayca üçüncü görüşüdür.