Bakı-APA. ABŞ-ın Nyu-Cersi şəhərində marafon öncəsi partlayış törədilib, insident nəticəsində xəsarət alan olmayıb.
APA-nın “RİA Novosti”yə istinadən verdiyi xəbərə görə, kustar üsulla hazırlanmış partlayıcı qurğu zibil qutusunda yerli vaxtla 09.30-da (Bakı vaxtı ilə 17.30-da) partladılıb.
Saat 9.00 planlaşdırılmış 5 km-lik xeyriyyə marafonun startı qeydiyyatla əlaqədar yubanıb. Partlayışdan sonra marafonun keçirilməməsinə qərar verilib.
Məlumata görə, hadisə yerinin yaxınlığında daha bir partlayıcı qurğu aşkarlanıb.
İnsident polis tərəfindən araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
