Bakı. Musa Əhmədov - APA-Economics. "Günəşli" yatağında baş vermiş qəza ilə bağlı SOCAR-ın müvafiq idarələrindən "PAŞA Həyat Sığorta" ASC-yə ümumilikdə 57 müraciət daxil olub.
"PAŞA Həyat Sığorta"nın rəsmi nümayəndəsi Elnur Hüseynquliyevin "APA-Economics"ə verdiyi məlumata görə, baş vermiş hadisə ilə bağlı daxil olmuş müraciətlərin 30-u ölüm, 27-si isə xəsarət hallarına görədir.
"Hazırda müraciətlər üzrə sığorta ödənişlərinin verilməsi üçün ölən və xəsarət alan şəxslərlə bağlı müvafiq dövlət qurumlarından lazım olan digər sənədlər toplanılır", - deyə məlumatda vurğulanıb.