Bakı. Türbət Bağırova - APA. Rusiya Ermənistanda dislokasiya olunmuş Erebuni aviabazasına helikopterlər göndərib.
APA-nın “news.am” saytına istinadən verdiyi xəbərə görə, artıq 7 ədəd müasir Mi 24P hücum və Mi-8 MT nəqliyyat helikopteri göndərilib.
Məlumata görə, cari ilin sonunadək əlavə bir partiya helikopterlərin göndərilməsi də planlaşdırılır.
Qeyd edək ki, Rusiyanın Erebuni aerodromunda dislokasiya olunan aviabazası 1995-ci ildən fəaliyyət göstərir.