Bakı-APA. Kolumbiyada keçirilən futzal üzrə dünya çempionatında 1/4 final mərhələsinin növbəti oyunları keçirilib.
APA-nın məlumatına görə, tarixində ilk dəfə dünya çempionatında çıxış edən Azərbaycan millisi yarımfinala vəsiqə uğrunda Portuqaliya ilə qarşılaşıb.
Kali şəhərində baş tutan görüşdə rəqibinə 2:3 hesabı ilə məğlub olan komandamız turnirdə mübarizəni dayandırıb.
Portuqaliya futzalçıları dünya çempionatının yarımfinalında Argentina yığması ilə qarşılaşacaq. Digər yarımfinalda Rusiya və İran milliləri güclərini sınayacaq.