Xarici siyasət

Ana səhifə

Xarici siyasət

Elmar Məmmədyarov NATO-nun Əfqanıstan üzrə nümayəndəsini qəbul edib

01 dekabr 2017 13:29 (UTC +04:00)

Xarici işlər naziri Elmar Məmmədyarov “Asiyanın Qəlbi” - İstanbul Prosesi çərçivəsində Bakıda keçirilən VII Nazirlər Konfransı çərçivəsində NATO-nun Əfqanıstan üzrə ali mülki nümayəndəsi Kornelius Zimmermanı qəbul edib.

XİN-in mətbuat xidmətindən APA-ya verilən xəbərə görə, E. Məmmədyarov Azərbycanın NATO-nun Qətiyyətli Dəstək Missiyasında iştirakı, eləcə də Əfqanıstan nümayəndələrinin idarəçilik, silahlı qüvvələr üzərində mülki nəzarət, mina təmizləmə, hüquq-mühafizə, hərbi sahədə qabiliyyətlərinin artırılması məqsədilə həyata keçirdiyi təlim və kurslardan söz açıb və bu dəstəyin davam etdiriləcəyini bildirib.

Nazir Azərbaycan prezidenti İlham Əliyevin keçən həftə Brüsseldə NATO-nun baş katibi Yens Stoltenberqlə görüşündə qeyd etdiyi kimi, Əfqanistanda sülh, təhlükəsizlik və sabitliyə daha da artıq töhfə vermək üçün orada xidmət edən hərbi qulluqçuların sayının artırılacağını diqqətə çatdırıb.

K. Zimmerman Əfqanıstanın Bərpası Xüsusi Fonduna və Əfqanıstan Milli Ordusu üzrə Etimad Fonduna Azərbaycan hökumətinin etdiyi yardımları yüksək qiymətləndirib.