Bakı. Musa Əhmədov – APA-Economics. İlin əvvəlindən ölkə əhalisinin sayı 51,3 min nəfər və ya 0,5% artaraq 2015-ci ilin iyul ayının 1-i vəziyyətinə 9644,3 min nəfərə çatıb.
Dövlət Statistika Komitəsindən “APA-Economics”ə verilən məlumata görə, əhalinin bir kvadrat kilometrə olan sıxlığı 111 nəfər olub.
Hazırda hər 1000 nəfər kişiyə 1009 nəfər qadın düşür. Əhalinin ümumi sayının 53,1%-i şəhər, 46,9%-i kənd sakinləri, 49,8%-i kişilər, 50,2%-i qadınlar, 22,4%-i 0- 14 yaşda, 71,6%-i 15-64 yaşda, 6%-i isə 65 və yuxarı yaşda olanlardır.
Cari ilin ilk altı ayı ərzində ölkədə 78,4 min körpə doğulub və əhalinin hər 1000 nəfərinə hesabı ilə bu göstərici 16,6 təşkil edib. Doğulan körpələrin 53,2%-ni oğlan, 46,8%-ni isə qız uşaqları təşkil edir. Körpələrin 1370-i əkiz, 48-i isə üçəm doğulanlardır.
2015-ci ilin yanvar-iyun ayları ərzində qeydiyyat orqanları tərəfindən 28,1 min ölüm halı qeydə alınıb və ötən ilin müvafiq dövrü ilə müqayisədə əhalinin hər 1000 nəfərinə hesabı ilə ölüm səviyyəsi 6,1-dən 5,9-a qədər azalıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
